Касаллик юкини ўзига олган шайх
Хожалар силсиласидаги баъзи азизлар беморлар касаллиги юки остига кириб, ул бемор тузалиб, улар ул беморликни тортар эмишлар. Ҳаж сафари йўлида Шерозга етганларида Хожа Ҳасанга иродат ва ихлоси ниҳоятда баланд бўлган шаҳарнинг улуғ зотларидан бири қаттиқ касал экан. Хожа Ҳасан ул беморни кўргани бориб, касаллик юки остига кириб, ул беморликни ўзларига тилабдилар. Ул азиз тузалиб кетиб, Хожа Ҳасан ўша беморлик туфайли бу оламдан ўтибдилар. Жасадларини Шероздан Чағониёнга (ҳоз. Сурхондарё вилояти, Денов тумани) - оталари қабри ёнига олиб келиб, дафн этдилар.