Шу ҳийлани ўргатган одамнинг бўйни синсин!
Бир куни бир вақтнинг ўзида иккита эрга тегиб олган бир аёлни келтирдилар. Тергов иши охирига етгандан сўнг аёлни тошбўрон қилишга ҳукм қилинди. Қозихона вакили аёлдан пора олиб, унга бир ҳийла ўргатди. Қози ўзи сўроқ қилган пайтда маккора аёл ўргатилганидек айтди:
- Эркакларга тўртта хотин олмоқ раво бўлганидек, аёлларга ҳам тўртта эрга чиқиш жоиз деб ўйлабман.
Қози буни эшитиб, деди:
- Сенга бу сўзни ўргатган кишининг бўйни синсин!
Қозихона вакили қозихонадан чиққач, бир ерда тўсатдан йиқилиб, бўйни синди ва ҳалок бўлди.