Шайтон васвасаси
Сўфийлардан бири шайтонни туш кўриб, сўрабди:
- Сенинг ҳолинг тавҳид ва таваккул соҳиби бўлмиш Шайх Абу Мадян билан нечукдир?
Шайтон деди:
- Унинг кўнглига бир васваса солмоқни истасам, Муҳит дарёсига бавл (пешоб) қилиб, нопок қилмоқчи бўлган кишидек уринишла-рим самарасиздир.
Кемадаги асир
Бир марта Шайх Абу Мадян денгиз соҳи-лида бормокда эди. Бир гуруҳ кофирлар уни асирга олиб, бошқа мусулмон асирлар-га қўшиб, кемаларига солдилар. Қаттиқ ша-мол эсарди, шунга қарамасдан кема жойидан қўзғалмади. Ҳар неча жаҳд қилдилар, фойда қилмади. Кема соҳиблари дедилар:
-    Ҳойнаҳой боя асирга туширилган мусул-моннинг жиҳатидандир, авлиёларга ўхшаяпти.
Шайхга ижозат бериб, дедилар:
-    Чиқ ва бор!
Шайх деди:
-    То барча мусулмонларни қўймассиз, мен ҳам чиқмасмен!
Барча асирларни қўйиб юборишдан ўзга ҳеч чора тополмадилар. Барчани Шайхнинг баракотидан асирликдан озод қилган заҳоти кемалари равон бўлди.