Жунайд зиёрати
Ул дебдурки, Ҳамадонда бир кеча ўз уйимда эдим. Биров эшик қоқди. Хаёлимга Жунайд бўлса керак, деган фикр келди. Эшикни очсам, Жунайд экан. Салом бердим. Алик олиб, дедиким, сенинг зиёратингга қасд қилгандим. Хотиринг тўғрилиги маълум бўлди. Бу сўзларни айтиб, қайтиб кетди. Эртасига Ҳамадонда тиладик, топилмади. Бағдоддан келган мусофирлардан сўралдиким, фалон вақт Жунайд Бағдоддамасмиди? Ҳеч ким нишон бермади. Ўша кеча бориб келгани маълум бўлди.