Фатҳ бин Али қурбонлиги
Қурбон байрамида кўрдиким, халойиқ қурбонлиқ қиладур. Деди:
- Илоҳий, билурсенки, Сенинг учун қурбон қиладиган бирор нарсам йўкдир. Жонимни сенга қурбон қилайин, - деб, бармоғини бўғзига тортди ва йиқилди. Бошига келсалар, жон берганди ва бўғзида яшил хат кўринарди.

Тажрид ва таваккул
Бир куни Бишр Ҳофий уйига борди ва деди: - Егулик бўлса, келтур!
Егулик келтирдилар. Бишр хоҳлаганича тановул қилди. Фатҳ қолганини дастурхонга чирмаб кўтарди.
Биров деди:
— Фатҳни таваккул аҳлининг пешвоси дейишади, бу эса дастурхон кўтариб юрибди.
Бишр қ.с. деди:
- Ул сизга ўргатадиким, таваккул дуруст бўлгандан сўнг бу амалнинг ҳеч зиёни йўкдир.
Шайх ул-ислом Хожа Абдуллоҳ Ансорий дебдурки, тажрид дуруст бўлса, Сулаймон мулки маълум эмас ва агар тажрид дуруст бўлмаган бўлса, қўл учун енг ҳам ортиқчалик қиладир.