Булардан бўлагин ғариблар билгин,

Едир-ичир, сийлаб яхшилик қилгин.

Дуо қилар сени улар, эй қардош,

Дуо билан бахтинг кулар, эй қардош.

Улардан тилама жавобан товар,

У дунёда берар роҳат диловар.

Дуч келар эл ичра минг турфа киши,

Сенинг ё уларнинг тушса гар иши,

Ҳал қилиб мушкулин берсанг гар ҳақин,

Бўлар сенга барча кишилар яқин.

Топиб икки жаҳон иқбол-бахтин ҳам,

Эгалласанг, не тонг, шуҳрат тахтин ҳам.