Яна аҳли ашъор – бу сўз тергучи,

Мадҳ этар инсонни ё тергагучи.

Қиличдан ҳам ўткир буларнинг тили,

Риштадан ҳам нозик хотирин йўли.

Латиф минг бир калом токи истарсан,

Булардан эшит сўз, тезда уқарсан.

Бутун қалби билан шўнғиб уммонга,

Берар гавҳар, инжу, ёқут жаҳонга.

Мақтаса, овозанг тутар оламни,

Агар сўкса, номи ёмон одамни.

Назокат билан сен эъзозла такрор,

Қаламин тиғига дуч келма зинҳор.

Агар эзгу сўзлар тиласанг ўзунг,

Кўнглин ол буларни, раво ҳар сўзинг.

Неки деса бергин буларга ҳалол,

Булар забонидан ўзинг сотиб ол.