Қулни озод қилган дарвеш
Бир куни муридлари билан ўтирган эди. Ёнидан бир отлиқ ўтди, орқасидан эгнига ғошия (эгарнинг устидан ёпиладиган ёпқи) ташланган бир қул югурарди. Шайхнинг ёнидан ўтаётганда қул деди:
- Аллоҳим, мени озод эт ва бунинг дастидан халос қил!
Абу Убайд ҳам дуо қилди:
- Аллоҳим, уни дўзах оловидан ва қулликдан қутқар!
Ўша заҳоти суворий отдан йиқилди. Суворий қулга боқиб деди:
- Сени озод қилдим.
Кул айтди:
- Мени сен озод қилмадинг, балки бу жамоат озод қилди.
Умри охиригача Абу Убайддан айрилмади.