Расулуллоҳ(с.а.в.)ни беш марта тушида кўрган шоир
Дейдиларки, қирқ йил сурункасига рўза тутди ва ўз пири Шайх Низомиддин Авлиё билан бирга қуруқлик йўли билан ҳажга борди. Беш марта Ҳазрат Расулуллоҳ (с.а.в.)ни тушида кўрибди ва Шайх Низомиддин Авлиё ишорати билан Хизр алайҳиссаломнинг хизматига етибди ва ундан муборак оғзи сувини унинг оғзига солишини илтимос қилибди. Хизр алайҳиссалом дебдур: Бу давлатни Саъдий элтди.
Хусрав маҳзун кўнгил билан пири олдига келиб, бўлган воқеани айтиб берибди. Шайх ўз оғзи сувини унинг оғзига солибди ва унинг баракотидан тўқсон тўққиз китоб ёзибди.
Шайх Низомиддин Авлиё дер экандурки, қиёматда ҳар киши бир нима билан фахр қилгай. Мен бу туркнинг, яъни Хусрав Деҳлавий кўксининг куюки билан фахр қилгумдир.