Нега жума намозига чиқмайсан?
Деҳли шаҳрининг бош қозиси Шайх Мужирдан сўради:
- Жума намозига нимага келмайсан?
Шайх деди:
- Келаси жума кел, бирга масжидга борайлик.
Қози жума куни келди. Шайх Мужир қозининг қўлини тутиб деди:
- Кўзингни юм!
Қози кўзини юмди. Сўнгра деди:
- Оч!
Қози кўзини очиб, ўзини Масжиди Ҳарамда кўрди. Шайх билан бирга намоз қилди. Яна ўша дастур билан ўз мулкларига келдилар. Бу ҳолни кўргач, қози Саъд Шайхга иродат қўлини бериб, мурид бўлди ва фақр тариқига кирди.