Таваккул надир?
Абу Яъқубдан сўрадилар:
- Таваккул недир?
Деди:
- Ихтиёрни тарк этмоқ.
Саҳл бин Абдуллохдан сўрадилар, деди:
- Тадбир тарки.
Бушр Ҳофийдан сўрадилар, деди:
- Ризо.
Абу Ҳафс Ҳаддоддан сўрадилар, деди:
- Мусаббиб (сабабчи, Аллоҳ)ни кўрмак.
Фатҳ Мавсилийдан сўрадилар, деди:
- Сабабдан малол бўлиш.
Шақиқ Балхийдан сўрадилар, деди:
- Ажзда ғарқи дийдор.
Шиблийдан сўрадилар, деди:
- Кўнгил дийдорида барча элни унутмоқ.