Бундан ўзга неча тоифалар бор,

Улар билгани ҳам ғоят бетакрор.

Турфа тоифалар сўзласам барин,

Фарқи бор уларнинг илму ҳунарин.

Яна бир тоифа шифокор табиб,

Ҳар бемор дардини даволар ҳабиб.

Зарур эл-улусга ҳар табиб киши,

Уларсиз ўнгланмас тириклик иши.

Тирик бўлса одам, чанг солар минг дард,

Халос айлар дарддан оқил табиб мард.

Касаллик ҳар жонга ёв, завол баҳси,

Ҳар жон учун завол тириклик акси.

Буларни ҳам тутгин ўзингга яқин,

Зарур оқил табиб, адо эт ҳақин.